بكلمات مؤثرة.. شقيقة فقيد القوات المسلحة تنعي شقيقها

متابعات/ الرائد نت

نعت شقيقة الرائد بالقوات المسلحة أيمن الذي استشهد غرقا حيث كتبت : احي ياود امي الشالنا رحم واحد ربنا يصبرك ياامي كنت مستنيا جيتو بي فارق الصبر
ماعارفه تاني الصبر ح يوجب عليك ايمن كان جاي نهاي يوم الخميس من الفاشر مات يوم الاربعاء
الطياره الكان جاي بيها جا فيها جنازه واي من نارك يااخوي انا ماقايله الخوة حارة كده ماقايله يوم ببكيك وبشيل فيك الفاتحة
انا جيت من بعيد مستقويه بيك اقول لي اي زول خلاص ايمن جاي تاني مابجيني شي
ايمن ماكان اخ ايمن كان صاحب كان سند كان كبيرنا وقدوتنا وعمودنا …
ضهرنا اتكسر بعدك..
ماقصرت حي وماقصرت ميت اديتنا رتبة معاك انا بقيت اخت الشهيد..
انت فديت نفسك وانقذت 11 روح قلت امرقوا انتو انا مامشكله

انت ماكنت ساهل وقفت جبل للسيل لكن
حكمة الله والرايدو ليك ..
ماكنت ساهل الجيش كلو شيعك اصدقاء واهل ودفعة وخلق شيعتك
موكب مخيف زي يوم الحج انت عرفت الناس دي كلها وين ومتين ياايمن..
والله والله والله ياايمن وشك كان مضوي منور بشع نور
كنا بنتخافت لي شوفتك زي الحجر الاسود اي زول عايز يسلم عليك انت ولي من اولياء الله الصالحين انت نعيت نفسك وودعت وعافيت الناس انت الله اداك حسن الخاتمة انت احسن زول فينا ياشجره ضلنا وحبيب قسانا ربنا يعوض شبابك الجنة وينور قبرك ويجعله روضة من رياض الجنه .
دعواتكم ليهو.

نقلا عن الإعلامي محمد الطاهر

Powered by WPeMatico

اخبار السودان اليوم

اخبار السودان اليوم لحظة بلحظة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى